Birgemiz: áreket ýaqyty
QZ
Волонтер болыңыз
Басты бет Жаңалықтар Шығыс Қазақстан облысындағы жақсылық дәстүрлері

Шығыс Қазақстан облысындағы жақсылық дәстүрлері

28.06.2022 452 0

Жақсы істер жасау керек және жасауға болады. Мұны үйренуге болады, өйткені волонтерлікте де, өмірдің басқа салаларында да хабардарлық пен жауапкершілік маңызды. Жақсылықтың мұндай тәжірибесі тиімдірек және нәтижелі болады.

Данияр Базаралыұлы Жүнісов бастаған Шығыс Қазақстан облысы волонтерлерінің өңірлік фронт-кеңсесі өз жұмысында дәл осындай құндылықты ұстануда. Данияр Базаралыұлы Шығыс Қазақстан облысы ішкі саясат басқармасының «Жастар ресурстық орталығы» КММ директорының м.а., ШҚО «AMANAT» партиясы филиалының Саяси кеңес Бюросының мүшесі. Жастар ресурстық орталықтарын дамыту жөніндегі республикалық үйлестіру кеңесінің мүшесі. «Үміт» балалар үйі қамқоршылық кеңесінің мүшесі. Д. Серікбаев атындағы ШҚТУ қоғамдық кеңесінің мүшесі.


 «Ойлаймын. Істей аламын. Істеймін»

Мемлекет Басшысы Қасым-Жомарт Кемелұлы Тоқаевтың бастамасы бойынша волонтер жылы аясында 2020 жылғы 7 наурызда Шығыс Қазақстан облысы ішкі саясат басқармасының «Жастар ресурстық орталығы» КММ базасында «Birgemiz» волонтерлердің өңірлік фронт-кеңсесі ресми түрде ашылды.

Данияр Базаралыұлы өңірлік фронт-кеңсенің қызметі туралы әңгімелейді:

«Фронт-кеңсе білім беру, эко-волонтерлік, медиа-волонтерлік, мәдениет пен өнер саласындағы волонтерлік, салауатты өмір салты мен спорттық іс-шаралар саласындағы волонтерлік, әлеуметтік волонтерлік және қайырымдылық бағыттары бойынша волонтерлік қызметті насихаттаумен және ілгерілетумен айналысады.

Тәжірибесіз және жаңадан келген волонтерлердің алдында кейде бірлескен күш-жігермен оңай жеңуге болатын қиындықтар туындауы мүмкін. Жалпы, волонтерлік қызмет ерекше эмоционалды қатысуды және іске кәсіби көзқарасты талап етеді».

Фронт-кеңсесі құрылғаннан бері өңірдің волонтерлік  іс-шараларына 24 178 шығысқазақстандық волонтерлер қатысып, 10 200-ден астам іс-шара ұйымдастырылды. Шығысқазақстандық волонтерлер арасында ең жас волонтер 14 жаста, ең үлкен волонтер - 93 жаста.

Корпоративтік волонтерлік бағытты дамыту мақсатында 82 жеке компаниямен жұмыс жүргізілді. Меценаттардың қолдауымен жалпы сомасы - 621 000 000 млн.теңге қаражат бөлінді.

Данияр Базаралыұлының айтуынша, өңір волонтерлері көбінесе «BIRGEMIZ: AYALA», «BIRGEMIZ: ASYL MURA», «BIRGEMIZ: BILIM», «BIRGEMIZ: SAYLYK», «BIRGEMIZ: TAZA ALEM», «BIRGEMIZ: UMIT» «Медиа-волонтерлік», «Күміс волонтерлік»  таңдайды.

Сондай-ақ, ол өңірдегі ең ауқымды жобалар туралы айтты. 2021 жылдан бастап «BIRGEMIZ: TAZA ALEM» волонтерлік бағыты бойынша   волонтерлер «Жасыл ел» еңбек жасағының волонтерлерімен бірлесіп «Одна река-одна судьба» халықаралық экологиялық акциясы аясында 200 тонна қоқыс пен 74 000 км2 аумақ тазартылды.

2021 жылғы мамырда Риддер қаласындағы өрт кезінде 500-ден астам волонтер өртті сөндіруге белсенді қатысып, гуманитарлық көмек көрсетті. Өрт салдарынан 30 үй жарамсыз болып қалды, 17 үй түрлі дәрежедегі зақым алды, оларды қалпына келтіру мақсатында волонтерлер «BIRGEMIZ» акциясын ұйымдастырды, зардап шеккен тұрғындарға көмектесті, 18 мың тонна азық-түлік жеткізді. Сондай-ақ, 50-ден астам тұрғынның жеке құжаттарын қайта ресімдеуге көмек көрсетілді.

2021 жылы «BIRGEMIZ: SAYLYQ» волонтерлік бағыты бойынша 50-ден астам іс-шара ұйымдастырылып, 500-ге жуық шығысқазақстандықтарға көмек көрсетілді. Медициналық бағыттағы колледждермен және денсаулық сақтау басқармасының мекемелерімен меморандумға қол қойылды. Респонденттер мен олардың туыстары үшін 200-ден астам заңгерлік кеңес берілді. Волонтерлер облыстық онкологиялық аурухананың паллиативтік бөліміндегі науқастарға көмек көрсетті.

Ағымдағы жылы волонтерлердің облыстық фронт-офисі «AMANAT» партиясының қалалық филиалымен бірлесіп «Үміт» балалар үйінің тәрбиеленушілерімен қайырымдылық концертін ұйымдастырды. Концерт қорытындысы бойынша балалар үйінің қамқорлығындағыларға 3 жоғары оқу орнында және 1 колледжде оқуға сертификаттар берілді. Тәрбиеленушілердің біріне демеуші есебінен операция төленеді, сондай-ақ 1 200 000 теңге жиналды.


Данияр Базаралыұлы биылғы жылы жүргізіліп жатқан жұмыстар туралы әңгімелейді:

«2022 жылы «Күміс волонтерлік» жобасы аясында Глубокое ауданының Қарттар үйінің белсенді қамқорлығындағылар  акциялар мен қайырымдылық концерттерін өткізеді.

А.С. Пушкин облыстық кітапханасының Күміс волонтерлері қала тұрғындарына «Кесте тігу», «Шешендік өнер», «Пэчворкинг», «Фото жиектемелерді безендіру», «Эбру», «Бисермен тоқу», «Квиллинг» сияқты шеберлік сабақтарын тегін өткізеді. Ағымдағы жылы «BIRGEMIZ AYALA» волонтерлер бағыты бойынша Өскемен қаласының тұрғыны, еңбек ардагері Валентина Егоровнаның пәтерін тазалауға көмек көрсетілді».

Волонтерлердің аймақтық фронт-кеңсесі саналы жақсылық дәстүрін өз ұжымының ішінде ұстанады.

«Біздің жұмысымыз іс жүзінде игі істер жасауға көмектесу және қолдау болып табылады. Сондықтан біз үшін бұл принциптерді немесе дәстүрлерді ұстану өте маңызды.

* Кеңес беру дәстүрі - тек ұжымдық түрде бәріміз бірге дұрыс жол тауып, дұрыс шешім қабылдай аламыз.

* Өсу дәстүрі-шеберлік, ептілік, батылдық сізге бірден келмейді. Өсудің қадамдарынан өту керек.

* Мейірімділік дәстүрі – «Ни дня без доброго дня». Волонтерлер науқастарға және жалғызбасты адамдарға көмекке мұқтаж адамдарға әрдайым көмектеседі.

* Мұра дәстүрі-волонтер туған өлкенің табиғаты мен мәдениетін мұқият сақтайды.

Адамдардың өздерін волонтерлік қызметке арнауының негізгі себептері бар. Волонтерлік қызмет жаңа эмоцияларға деген қажеттілікті, жаңа және қызықты нәрсені үйренуге деген ұмтылысты жүзеге асыруға көмектеседі. Көптеген адамдар үшін волонтерлік қызметке ынталандыру игі істер жасауға, мұқтаж адамдарға пайда мен қуаныш әкелуге ұмтылу болып табылады. Байланыс және жақсы орта».

Аймақтағы волонтерлік мүмкіндіктері, волонтерлік бастамашыл топтардың немесе ұйымдардың кеңес алу мәселелері бойынша фронт-кеңеспен байланысу үшін осы байланыстар бойынша хабарласа аласыз:

ШҚО, Өскемен қаласы, Потанин көшесі 27/1

Телефоны (72-32) 710-234

@shko_jastary2022

Авторы: Александра Крашинина

@alexandra.krashinina

 

Соңғы жаңалықтар
30.07.2022 471 0
Волонтерлердің жазғы мектебі 2022 аяқталды!
Толығырақ
25.07.2022 600 0
Жамбыл облысында 2022 жылдың қаңтарынан бастап 12 000-нан астам волонтер волонтерлік қызметке қатысуда
Толығырақ
22.07.2022 369 0
TikTok SUMMER CAMP 2022-ге қатысушысы бол!
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена