Birgemiz: áreket ýaqyty
QZ
Волонтер болыңыз
Басты бет Бағыттар Birgemiz: Asyl mura "Ескерткіштер - елге мұра, ұрпаққа аманат" форумы

"Ескерткіштер - елге мұра, ұрпаққа аманат" форумы

23.05.2022 63

ҚР Ақпарат және Қоғамдық даму министрлігі тапсырысымен «Азаматтық бастамаларды қолдау орталығы» КЕАҚ үкіметтік емес ұйымдарға мемлекеттік грантының «Тарихи-мәдени мұра объектілерін сақтау жөніндегі «Birgemiz: Asyl мura» жалпыұлттық жобасы» аясында «Даналық» қоғамдық қорының ұйыдастыруымен және Әлихан Бөкейхан университетінің қолдауымен 20 мамырда Нұр-Сұлтан қаласында "Ескерткіштер – елге мұра, ұрпаққа аманат" Республикалық форумы өтті.

Форумның мақсаты мемориалды кешендердің қазіргі жағдайы мен оларды қалпына келтіру жайлы пікірталас алаңын ұйымдастыру және осы мәселеге қатысты волонтерлік бастамаларды қолдау жайлы азаматтық қоғам өкілдерінің көзқарастары негізінде сұхбат алаңын құру болды.

Форум жұмысына еліміздің 14 облысы мен 3 мегаполисінен облыстық тарихи-өлкетану мұражайларының директорлары мен қызметкерлері қатысты. Сонымен қатар, ҚР Ақпарат және Қоғамдық даму министрлігі Қайырымдылық және волонтерлік мәселелері басқармасының басшысы Оразбаев Аян Құрақұлы, «Азаматтық бастамаларды қолдау орталығы» КЕАҚ Басқарма төрағасының орынбасары Бисембиев Жасұлан Орақұлы, «Birgemiz» Республикалық волонтерлер фронт-офисінің сарапшысы Шолудько Татьяна,  Әлихан Бөкейхан Университетінің басшылығы, тарихшы ғалымдар, БАҚ өкілдері қатысты.

Республикалық форумды ашып берген тарих ғылымдарының кандидаты, профессор Каримов Мұхтарбек Қарпықұлы ел тарихындағы үлкен маңызға ие болған оқиғаларға, тұлғаларға қатысты мемориалды кешендерді сақтауға негізделген шараның маңыздылығын тілге тиек етті. Өз сөзінде ол қазіргі таңда көптеген кешендердің қараусыз қалғаны, және заңды қадағалаусыз қазба жұмыстарының жүргізіліп жатқанын басып айтты. Осы төңіректе көтерілген біршама мәселелер қазіргі заман талабына сай технологияларға негізделген шешімдерді қажет ететінін және ол жұмыстарды жүзеге асыруда волонтерлерді тарту маңызды екенін форум қатысушылары талқыға салды.

Форум жұмысында келесі тақырыптық мәселелер бойынша  баяндамалар жасалды:

1.     Мемориалды кешендердің қазіргі жағдайы мен оларды қалпына келтіру мәселелері;

2.     Мемориалды кешендердегі жұмыстарға волонтерлерді тарту бойынша талқылау жүргізу;

Пленарлық мәжіліс қорытындысын шығару үшін өткізілген жарыссөз барысында форум қатысушылары жоба аясында жоспарланған деректі фильмдер кешені мен энциклопедия шығару, ескерткіштерге QR-код орнату, 3D форматта көрме жасау мүмкіндігі бар немесе барлық мемориалды кешендер жайлы ақпарат жинақталған бірегей электронды портал әзірлеу сынды шаралардың маңызды бастама екендігін, және алдағы уақытта нақты деректерге негізделген тарихи-мәдени мұраларды сақтау жөніндегі ақпаратты тиімді арналар арқылы халық арасында кеңінен насихаттауға көмек беретіндерін жеткізді.

Баяндамалар тыңдалып, форум мақсатына сәйкес қорытынды жасалғаннан кейін, форум қатысушылары Нұр-Сұлтан қаласындағы АЛЖИР мемориалды-мұражайы кешеніне сапарға шығып, тарихи оқиғалардың желісімен тағы бір мәрте танысты.

Форум қорытындысы ретінде жасалған баяндамалардан арнайы жинақ әзірленіп, уәкілетті органдарға табысталатын болады. #cisc2022 #qogamgov




Весь контент, опубликованный на этой странице по направлениям(направлению) Birgemiz, принадлежит организациям-грантополучателям. Администрация сайта не несет ответственность за размещаемый контент. С уважением, команда Qazvolunteer.kz

Соңғы жаңалықтар
28.06.2022 347 0
Шығыс Қазақстан облысындағы жақсылық дәстүрлері
Толығырақ
23.06.2022 248 0
Сенат волонтерлік қызметті дамытуға арналған заңды қабылдады
Толығырақ
21.06.2022 449 0
Волонтер болу-ерлік
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена