Қазақстанда ЮНИСЕФ-тің онлайн-волонтерлері COVID-19 кезінде жастарды қолдауда

Лина, 14 жас, Қазақстан Республикасының ең үлкен қаласы Алматыда тұрады. 19 жастағы Арманның кіші Отаны - еліміздің батысында орналасқан Қарасу ауылы. Оларды ЮНИСЕФ-тің онлайн-еріктілері болуға деген ынтасы біріктіреді.

2020 жылдың сәуір айында ЮНИСЕФ еріктілердің ұлттық желісімен бірге Қазақстанда #ПайдасыБарКарантин (Healthyathome) атты онлайн-еріктілік бағдарламасын іске қосты. 200 адамнан басталған бастама бүгінгі күні бүкіл ел бойынша басқа балаларды қолдау үшін өз уақытымен, таланттарымен және оң көңілімен бөлісуге ниет білдірген 1500-ге жуық ынталы жастарды тартты. АҚШ ХДА сондай-ақ осы өте тиімді болып шыққан және COVID-19 кезінде негізгі жолдауларды жеткізуді мақсат еткен онлайн-еріктілік бастамаға қолдау көрсетуде. Карантин кезінде де, одан кейін де жас волонтерлер онлайн платформалары арқылы COVID-19 туралы хабардарлықты арттыру және жергілікті деңгейдегі маңызды әлеуметтік негіздемелерге қоғамдастықтың қатысуын арттыру мақсатында жұмыс істеді.

«Мен ЮНИСЕФ-тің еріктісі ретінде күткенімнен әлдеқайда көп таптым деп сеніммен айта аламын», - дейді Лина, ол үшін өз кезегінде ЮНИСЕФ-пен жұмыс ерікті болудың алғашқы тәжірибесі болды. «Менің бастапқы мақсатым COVID-19 бойынша хабарламаларды жіберу болды. Алайда ЮНИСЕФ маған COVID-19 деген не және оның балаларға әсері туралы ғана емес, басқа да әлеуметтік маңызды мәселелер мен идеяларды түсінуге көмектесіп қана қоймай, сондай-ақ осы идеяларды іске асыру үшін қажетті дағдылар мен білімге үйреткен. Өзімнің үлесімнің құнды екенін түсінудің өзі және мен біздің қоғамымызға оң әсер ете алатыным мені шын мәнінде бақытты етеді».

500 000 адам санына жеткен ЮНИСЕФ Еріктілері бірқатар облыстарда, соның ішінде карантин кезінде психикалық денсаулыққа қолдау көрсету, балаларға қатысты зорлық-зомбылықтың алдын алу және онлайн оқытуды өткізу туралы ақпарат беруге көмектесті. Маңыздысы, жас волонтерлер ЮНИСЕФ-ті Қазақстан халқына одан әрі жақындатуға көмектесті.

«Мен кейбір адамдар Интернетке қол жеткізе алмайтын немесе нашар байланысы бар шағын ауылда өстім, сондықтан олар тым аз ақпарат алады-ау деген мүмкіндік бар», - дейді Арман. «ЮНИСЕФ-пен шыққан сапарларым кезінде мен құрдастарыма әлеуметтік желілер болсын немесе басқа да мессенджерлер және телефон қоңыраулары арқылы болсын, менің ауылымдағы адамдармен байланысудың көптеген жолдарын таптым».

Осы бағдарлама аясында еріктілер әр түрлі тақырыптарға арналған апта сайынғы оқыту вебинарларына қатысады, мысалы, коронавирус туралы фактілер мен жалған ақпарат арасындағы айырмашылықты табу маңыздылығы, сондай-ақ сандық БАҚ саласындағы қатысушылардың дағдыларын жетілдіруді қоса алғанда. Еріктілер ЮНИСЕФ ұсынған ақпарат пен материалдарды пайдалана отырып, әлеуметтік желілерде тұрақты түрде посттарды жариялайды.

Лина да, Арман да онлайн-еріктілер бағдарламасы оларға карантин кезінде өз уақытын тиімді пайдалануға көмектескенін, ал олар болса өз кезегінде достары мен отбасына оқиғадан хабардар болуға көмектескендерін айтты. Олардың сыныптастары мен достары айтқандай Лина мен Арман аурудың таралуын болдырмау үшін тиісті сақтық шараларын қабылдау сияқты бір-біріне позитивті және мейірімді болу керектігінің маңыздылығын түсінуге көмектесті.

«Орын алған COVID-19 пандемиясы бүкіл әлемдегі адамдардың өмірін өзгертті. Мектептердің жабылуына және іс-шаралардың тоқтатылуына байланысты көптеген жастар өз өмірінің ең бір маңызды сәттерінен қол үзді. Тек Қазақстанның бір өзінде 2,5 миллион бала мектепке бара алмады», - дейді Қазақстандағы ЮНИСЕФ өкілі Артур ван Дизен. «Біз бүкіл Қазақстан бойынша жастардың ЮНИСЕФ-тің еріктілері қатарына кіруге шешім қабылдағанына өте қуаныштымыз. Олар бізге жастар тілінде сөйлеуге және олар үшін түсінікті және қолайлы форматта маңызды ақпаратпен бөлісуге көмектеседі. Өз басым осы жас еріктілердің шығармашылығымен, олардың үйден шықпай-ақ, COVID-19-бен күреске өз үлесін қосуға деген ынтасы мен батылдығына таңданып, шабыттандым».

ЮНИСЕФ еріктілікті жастар үшін жаңа дағдыларды алуға, өз идеяларын іске асыруға және басқаларға көмектесуге мүмкіндік жасауға бағытталған маңызды стратегия деп санайды. ЮНИСЕФ-тің Қазақстандық тобы бұл бағдарлама басқаларды еріктілікке және қайырымды істерді өрістетуге шабыттандырады деп үміттенеді. Осылайша Қазақстанда Еріктілер жылы болып табылатын 2020 жыл мен бұл бастама өткізіліп отырғаны қатар келді. Бұл бастама көрсеткендей еріктілердің көмегімен біз өз ықпалымызды көбейте аламыз, бұл өз кезегінде 2020 жылғы күрделі жылда өте маңызды болып табылады.

Дерек көз: https://www.unicef.org/kazakhstan/kk/%D0%BE%D2%9B%D0%B8%D2%93%D0%B0%D0%BB%D0%B0%D1%80/%D2%9B%D0%B0%D0%B7%D0%B0%D2%9B%D1%81%D1%82%D0%B0%D0%BD%D0%B4%D0%B0-%D1%8E%D0%BD%D0%B8%D1%81%D0%B5%D1%84-%D1%82%D1%96%D2%A3-%D0%BE%D0%BD%D0%BB%D0%B0%D0%B9%D0%BD-%D0%B2%D0%BE%D0%BB%D0%BE%D0%BD%D1%82%D0%B5%D1%80%D0%BB%D0%B5%D1%80%D1%96-covid-19-%D0%BA%D0%B5%D0%B7%D1%96%D0%BD%D0%B4%D0%B5-%D0%B6%D0%B0%D1%81%D1%82%D0%B0%D1%80%D0%B4%D1%8B-%D2%9B%D0%BE%D0%BB%D0%B4%D0%B0%D1%83%D0%B4%D0%B0