Волонтер жылы - 2020
QZ
Волонтер болыңыз
Басты бет Жаңалықтар Алматылық меценаттар мен волонтерлер «Халық алғысы» медалімен марапатталды

Алматылық меценаттар мен волонтерлер «Халық алғысы» медалімен марапатталды

24.06.2020 77 0

АЛМАТЫ. ҚазАқпарат - Республикалық Biz Birgemiz онлайн-форумы барысында COVID-19-бен күресте ерекше белсенділік танытқан дәрігерлер, полиция қызметкерлері, волонтерлер мен журналистер марапатталды, деп хабарлайды ҚазАқпарат тілшісі.

Мемлекет басшысы Қасым-Жомарт Тоқаев республикалық Biz Birgemiz акциясына қатысқан волонтерлердің COVID-19 таралуына қарсы күреске қосқан зор үлестерін атап өтті. Елбасының және жеке өзінің атынан алғысын білдірді.

Алматы әкімі Бақытжан Сағынтаевтың айтуынша, төтенше жағдай режимі кезінде барша қазақстандықтардың көмегі айтарлықтай маңызды болды.


«Үнемі қолдау мен көмек беруге дайын тұратын алматылықтар алғашқы күннен-ақ қоғамдық жұмыстарға белсене кірісіп кетті. Олардың әрқайсысының және мыңдаған қала тұрғындарының ортақ іске қосқан үлестеріне баға жетпейді», - деді қала әкімі.

Б. Сағынтаев өзінің сөзінде ТЖ режимі кезінде жүгізілген пәрменді шаралардың коронавирустың жаппай таралуына тосқауыл болғанын айтты. Қала тұрғындарының берілген ұсыныстарды дер кезінде қабылдап, өздерін оқшаулағандары арқасында жағдай түзелді.


«Әрине, қала тұрғындарының табиғат аясында кездесіп, өзара сырласуды, көшелер мен скверлерде серуендеуді сағынып қалғандарын жақсы түсінемін. Өйткені, бұл- өмір. Бірақ, көзге көрінбейтін жау – пандемия біздің өмірімізге түзетулер мен өзгерістер енгізуде. Сондықтан мен алматылықтарды санитарлық-эпидемиологиялық қызметтің барлық талаптарын мүлтіксіз орындуға шақырамын. Ол барынша қарапайым, яғни өзімізді, жақындарымызды, достарымызды, әріптестерімізді, тіпті айналамыздағыларды індетті жұқтыру қаупінен сақтайық және барынша абай болайық», - деді Бақытжан Сағынтаев.


Алматы әкімі коронавируспен күресте алдыңғы шепте болып, індеттің соққысына қарсы тұра білген медиктердің, полиция қызметкерлерінің жұмыстарын атап өтті.

Ол осы ортақ іске өз үлестерін қосып, қалалықтарға қолдау білдірген меценаттарға, сонымен қатар мұқтаж жандарға азық-түлік өнімдерін жеткізген волонтерлерге алғысын білдірді.

Індетке қарсы күресте ерекше көзге түскендер «Халық алғысы» медалімен және Елбасының Алғыс хаттарымен марапатталды. Олардың арасында Олимпиада чемпионы, Қазақстанның Еңбек Ері, КСРО-ның еңбек сіңірген спорт шебері Жақсылық Үшкемпіров, Бостандық ауданының ӨҚ МПС бөлімінің бастығы Жандос Тасманов, дәрігер-инфекционист Тамара Утаганова, меценат Михаил Ломтадзе, Өміржан Әбілқасымов, «Қазақстанның медициналық жастары» РҚБ жетекшісі Жәнібек Солтанай, ҚБТУ жанындағы Қазақстан теңіз академиясының студенті Диана Тоқтарқызы, «Алматы ақшамы» газетінің тілшісі Әсел Дағжан бар.

Сондай-ақ, «Қазақстан Еріктілер лигасы» ҚҚ-ның Алматы қаласы бойынша жетекшісі Бағдат Анарбаева, Jas Otan МК Алматы қалалық филиалының белсенділері Бибінұр Шербаева, Медет Бекбергенов, Жандос Тәліпов, Әсем Таймұратова, кәсіпкер Бахит Гасанов та бар.

Айта кету керек, бүгін елордада «BIZ BIRGEMIZ» жалпыұлттық онлайн-форумы өтті.

Дерек көз: https://lenta.inform.kz/kz/almatylyk-mecenattar-men-volonterler-halyk-algysy-medalimen-marapattaldy_a3665046

 

Соңғы жаналықтар
09.07.2020 0 0
Алматыда қалалық дәріханаларға мониторинг жүргізілді
Толығырақ
08.07.2020 25 0
#BizBirgemiz волонтерлары «Халық алғысы» медалімен марапатталды
Толығырақ
07.07.2020 44 0
Щучинск волонтерлері дәрі-дәрмектерді «дабыл мекен-жайларына» жеткізуде
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена