Birgemiz: áreket ýaqyty
QZ
Волонтер болыңыз
Басты бет Тұрақты даму мақсаттары Теңіз экожүйелерін сақтау
Теңіз экожүйелерін сақтау

Мухиттерді, теңіздерді және теңіз ресурстарын тұрақты даму мүдделерінде сақтау және ұтымды пайдалану.

      • Мұхиттар жер бетінің төрттен үш бөлігін алып жатыр, жер қорының 97 пайызын құрайды және планетаның бүкіл аумағының 99 пайызын алып жатыр.
      • Үш миллиардтан астам адамның тіршілік әрекеті теңіз және жағалау аймақтарының биоалуантүрлілігіне байланысты.
      • Әлемдік ауқымда теңіз және жағалау ресурстары мен салаларының нарықтық құны жылына 3 триллион АҚШ долларымен немесе әлемдік ЖІӨ-нің 5 пайызымен бағаланады.
      • Мұхиттарда 200 000-ға жуық анықталған биологиялық түрлер бар, бірақ олардың миллиондаған түрлері болуы мүмкін.
      • Мұхиттар адамдар шығаратын көмірқышқыл газының шамамен 30 пайызын сіңіреді, бұл жаһандық климат жылынуының салдарын бейтараптандыруға көмектеседі.
      • Мұхиттар ақуыздың әлемдегі ең үлкен көзі болып табылады, 3 миллиардтан астам адам ақуыздың негізгі көзі ретінде мұхиттарға тәуелді.
      • Теңіздегі балық қорлары тікелей немесе жанама түрде 200 миллионнан астам адамды жұмыспен қамтамасыз етеді.
      • Балық аулауды субсидиялау көптеген балық түрлері популяциясының тез сарқылуына ықпал етеді және әлемдік балық қорын сақтау мен қалпына келтіруге, сондай-ақ, олармен байланысты жұмыс орындарын құруға кедергі келтіреді, нәтижесінде мұхиттағы балық аулау саласы жыл сайын 50 миллиард АҚШ долларынан қағылады.
      • Мұхиттардың қышқылдануының қазіргі деңгейі индустриялық революция басталғаннан бергі көрсеткіштермен салыстырғанда 26 пайызға артты.
      • Байқалған әлемдік тенденциялар ластану мен эвтрофикация нәтижесінде жағалау сулары жағдайының нашарлауын көрсетеді (судағы қоректік заттардың шамадан тыс мөлшері, көбінесе теңіз ортасына құрлықтан ағынды сулардың түсуіне байланысты, бұл өсімдіктердің белсенді өсуіне және оттегінің жетіспеушілігінен жануарлардың өліміне әкеледі). Егер шаралар қолданылмаса, онда эвтрофикация деңгейі 2050 жылға қарай 20 пайызға өседі.

      14.1 2025 жылға қарай теңіз ортасының кез келген ластануын, оның ішінде теңіз қоқысымен және қоректік заттармен ластануды қоса алғанда, құрлықтағы әрекеттердің салдарынан болдырмауды және елеулі түрде қысқартуды қамтамасыз ету

      14.2 2020 жылға қарай елеулі теріс әсердің алдын алу мақсатында, оның ішінде осы экожүйелердің тұрақтылығын арттыру жолымен теңіз және жағалау экожүйелерін ұтымды пайдалану мен қорғауды қамтамасыз ету және мұхиттардың жақсы экологиялық жағдайы мен өнімділігін қамтамасыз ету үшін оларды қалпына келтіру жөнінде шаралар қабылдау

      14.3 Мұхиттың қышқылдануының салдарын барынша азайту және жою, оның ішінде барлық деңгейдегі ғылыми ынтымақтастықты дамыту

      14.4 2020 жылға қарай балық аулауды тиімді реттеуді қамтамасыз ету және балық аулауды, заңсыз, хабардар етпейтін және реттелмейтін балық кәсіпшілігі мен балықтарды жойғыш кәсіпшіліктер әрекетін тоқтату, сондай-ақ, балық қорларын мүмкіндігінше қысқа мерзімде қалпына келтіру үшін, оларды осы қорлардың биологиялық сипаттамаларын ескере отырып, барынша экологиялық орынды аулауды қамтамасыз ете алатын деңгейге дейін жеткізе отырып, шаруашылық қызметтің ғылыми негізделген жоспарларын орындау

      14.5 2020 жылға қарай ұлттық заңнамаға және халықаралық құқыққа сәйкес және қолда бар ең жақсы ғылыми ақпарат негізінде жағалаулық және теңіз аудандарының кемінде 10 пайызын табиғат қорғау шараларымен қамту

      14.6 Дамушы және нашар дамыған елдерге қатысты ерекше және сараланған режимді тиісінше және тиімді қолдану Дүниежүзілік сауда ұйымының шеңберінде жүргізілетін балық кәсіпшілігін субсидиялау мәселесі жөніндегі келіссөздердің ажырамас бөлігі болуға тиіс екенін мойындай отырып, 2020 жылға қарай балық кәсіпшілігіне арналған субсидиялардың шамадан тыс әлеуеттер құруға және қайта аулауға жәрдемдесетін кейбір түрлеріне тыйым салуға, заңсыз, хабарланбайтын және басқарылмайтын балық кәсіпшілігіне жәрдемдесетін субсидиялардың күшін жоюға және осындай жаңа субсидияларды енгізуден тыйылу

      14.7 2030 жылға қарай шағын аралдық дамушы мемлекеттер мен ең нашар дамыған елдер теңіз ресурстарын экологиялық орынды пайдаланудан, оның ішінде балық шаруашылығын, аквамәдениет пен туризмді экологиялық ұтымды ұйымдастырудың арқасында алатын экономикалық пайданы арттыру

      14.а Мұхит ортасының экологиялық жағдайын жақсарту және теңіз биоалуантүрлілігінің дамушы елдердің, әсіресе шағын аралдық дамушы мемлекеттердің және нашар дамыған елдердің дамуына үлесін арттыру мақсатында Үкіметаралық океанографиялық комиссия әзірлеген Теңіз технологияларының берілуіне қатысты критерийлер мен нұсқаулықтарды назарға ала отырып, ғылыми білім көлемін ұлғайту, ғылыми зерттеулерді кеңейту және теңіз технологияларының берілуін қамтамасыз ету

      14.b Қолөнер балық кәсіпшілігімен айналысатын ұсақ шаруашылықтардың теңіз ресурстары мен нарықтарына қолжетімділікті қамтамасыз ету

      14. «Біз қалайтын болашақ» құжатының 158-тармағында атап өтілгендей, Дүниежүзілік мұхит пен оның ресурстарын сақтау және орынды пайдалану үшін құқықтық негіз қалаған Біріккен Ұлттар Ұйымының Теңіз құқығы жөніндегі конвенциясында бекітілген Халықаралық құқық нормаларын сақтау арқылы мұхиттар мен олардың ресурстарын сақтау, оларды орынды пайдалану жөніндегі жұмысты жақсарту.

      Соңғы жаңалықтар
      29.11.2021 36 0
      КӘСІПТІК БАҒДАРЛАУ - МАМАНДЫҚ ТАҢДАУДЫҢ НЕГІЗІ
      Толығырақ
      29.11.2021 45 0
      2021 жылы волонтёрлерді қолдау мақсатында 24 мың іс-шара өткізілді
      Толығырақ
      26.11.2021 22 0
      «Тарихи-мәдени нысандарды сақтау бойынша жобаларға волонтерлерді тарту бойынша «Birgemiz: Asyl мura» жалпыұлттық жобасын жүзеге асыру» жобасының іске асу барысы туралы баспасөз конференциясы өтті
      Толығырақ
      Әлеуметтік желілерде оқыңыз
      Барлық оқиғалармен жаңартыңыз
      Спасибо! ваша заявка отправлена