Жауапты тұтыну және өндіріс

Тұтыну мен өндірудің оңтайлы модельдеріне көшуді қамтамасыз ету.

Деректер мен сандар Тапсырмалар Пайдалы сілтемелер 194 жобалар

Егер 2050 жылға қарай жер жүзі халқы 9,6 миллиардқа жетсе, барлық қажетті ресурстармен қамтамасыз ету үшін үш Жер планетасының ресурстары қажет болады.
Құрылыста және инфрақұрылым жасауда металл емес минералдарды пайдаланудың ұлғаюымен адамзаттың «материалдық ізінің» көлемі ұлғайды. Мәселен, дамушы елдерде ол 2000 жылғы 5 тоннадан 2017 жылы 9 тоннаға дейін өсті.
Әлемдегі ең ірі 250 компанияның 93 пайызы өндірістің тұрақтылығы туралы есеп береді.

Су ресурстары

Тұщы (ауыз су) су әлемдік су ресурстарының 3 пайызынан азын құрайды, оның 2,5 пайызы Антарктика, Арктика және таулы аймақтардың мұздықтарына тиесілі. Сондықтан адамзат барлық антропогендік экожүйелердің қажеттіліктері мен тұщы су қажеттіліктерін қанағаттандыру үшін су ресурстарының 0,5 пайызына сүйенуі керек.
Адам су ресурстарын табиғаттың өзендер мен көлдердегі суды өңдеп, тазартқаннан гөрі тез ластайды.
1 миллиардтан астам адамның әлі де тұщы суға қолжетімділігі жоқ.
Суды шамадан тыс тұтыну ғаламдық су тапшылығына әкеліп соғуы мүмкін..
Су – бұл табиғаттың тегін сыйы, бірақ оны жеткізу үшін қажет инфрақұрылым арзан емес.

Энергетика

Егер әлем халқы қуат үнемдегіш шамдарды пайдалануға көшсе, бұл жыл сайын 120 миллиард долларға дейін үнемдеуге көмектеседі.
Энергия тиімділігін арттыруға ықпал еткен технологиялық жетістіктерге қарамастан, 2020 жылға қарай ЭЫДҰ елдерінде энергия тұтыну тағы да 35 пайызға артады. Әлемдік деңгейде коммерциялық және тұрғын үй секторлары тасымалдаудан кейінгі энергияны тұтынудың ең қарқынды дамып келе жатқан екінші саласы болып табылады.
2002 жылы ЭЫДҰ елдерінде 550 миллион көлік болды (олардың 75 пайызы жеке көліктер). 2020 жылға қарай көлік иелерінің саны 32 пайызға артады деп күтілуде. Сонымен бірге, болжам бойынша, көлік құралдарының жүрісі 40 пайызға артады, ал әуе тасымалдарының жаһандық көлемі үш есе артады деп күтілуде.
Үй шаруашылықтарының үлесіне жаһандық энергия тұтынудың 29 пайызы және тиісінше, олардың қызметі нәтижесінде пайда болатын көмірқышқыл газы шығарындыларының 21 пайызы тиесілі.
2015 жылы энергияны түпкілікті тұтынудың 17,5 пайызы жаңартылатын энергия көздері есебінен қамтамасыз етілді.

Азық-түлік

Өндіріс кезеңінде (ауылшаруашылық, азық-түлік шикізатын өңдеу) қоршаған ортаға айтарлықтай әсер етсе де, бұл әсер үй шаруашылықтарының тамақтану артықшылықтары мен әдеттеріне байланысты. Тиісінше, бұл азық-түлік секторындағы энергияны тұтыну және қалдықтардың пайда болуы арқылы қоршаған ортаның жағдайына әсер етеді.
Жыл сайын өндірілетін азық-түлік көлемінің үштен бірі, яғни, құны 1 триллион АҚШ доллары болатын 1,3 миллиард тонна азық-түлік тасымалдау мен жинаудың барабар емес жағдайларының нәтижесінде полигонға тасталады.
Бүкіл әлемде 2 миллиард адам артық салмақ немесе семіздік сырқатына шалдыққан.
Жердің тозуы, топырақ құнарлылығының төмендеуі, суды үздіксіз пайдалану, балық ресурстарын шамадан тыс пайдалану және теңіз ортасының тозуының барлығы жиналып келіп, табиғи ресурстық базаның азық-түлікпен қамтамасыз ету мүмкіндігін азайтады.
Әлемдік энергия тұтынудың 30 пайызы және парниктік газдар шығарындыларының жалпы көлемінің шамамен 22 пайызы азық-түлік секторының үлесіне тиесілі.

12.1 барлық елдердің қатысуымен тұтыну мен өндірістің ұтымды модельдерін пайдалануға көшу жөніндегі он жылдық іс-қимыл стратегиясын жүзеге асыру, бұл ретте оған бірінші болып дамушы елдердің дамуы мен әлеуетін ескере отырып, дамыған елдер кірісуге тиіс
12.2 2030 жылға қарай табиғи ресурстарды ұтымды игеруге және тиімді пайдалануға қол жеткізу
12.3 2030 жылға қарай жан басына шаққанда бөлшек және тұтыну деңгейлеріндегі тамақ қалдықтарының жалпы әлемдік санын екі есе азайту және өндірістік-өткізу тізбектеріндегі азық-түлік ысырабын, оның ішінде жиналғаннан кейінгі ысырапты азайту
12.4 2020 жылға қарай келісілген халықаралық қағидаттарға сәйкес химиялық заттар мен барлық қалдықтарды өмір бойы экологиялық тұрғыдан ұтымды пайдалануға қол жеткізу және олардың адам денсаулығы мен қоршаған ортаға теріс әсерін барынша азайту үшін олардың ауаға, суға және топыраққа түсуін едәуір азайту
12.5 2030 жылға қарай қалдықтардың пайда болуының алдын алу, оларды қысқарту, қайта өңдеу және қайта пайдалану жөнінде шаралар қабылдау жолымен олардың көлемін едәуір азайту
12.6 компанияларға, әсіресе ірі және трансұлттық компанияларға өндірістің тұрақты әдістерін қолдануды және өз есептерінде ресурстарды ұтымды пайдалану туралы ақпаратты көрсетуді ұсыну
12.7 ұлттық стратегиялар мен басымдықтарға сәйкес мемлекеттік сатып алудың тұрақты практикасын қамтамасыз етуге жәрдемдесу
12.8 2030 жылға қарай бүкіл әлемдегі адамдардың табиғатпен үйлесімді тұрақты дамуы мен өмір салты туралы тиісті ақпарат пен ақпаратқа ие болуын қамтамасыз ету
12.a дамушы елдерге тұтыну мен өндірістің неғұрлым ұтымды модельдеріне көшу үшін олардың ғылыми-техникалық әлеуетін арттыруға көмек көрсету
12.b тұрақты туризмнің дамуына әсер ететін, жұмыс орындарын құруға, жергілікті мәдениетті дамытуға және жергілікті өнімді өндіруге ықпал ететін мониторинг құралдарын әзірлеу және енгізу
12.c ұлттық жағдайларды ескере отырып, нарықтық сәйкессіздіктерді жою арқылы, оның ішінде салық салуды қайта ұйымдастыру және олардың экологиялық салдарын есепке алу үшін зиянды субсидиялардан біртіндеп бас тарту арқылы, дамушы елдердің ерекше қажеттіліктері мен жағдайларын толық ескере отырып және олардың дамуы үшін ықтимал теріс салдарларды барынша азайта отырып, қазбалы отынды пайдалануды ысырапсыз тұтынуға әкелетін тиімсіздікпен ерекшеленетін субсидиялауды ұтымды ету, мұқтаж және осал топтардың мүдделерін қорғау.