Birgemiz: áreket ýaqyty
QZ
Волонтер болыңыз
Басты бет Жаңалықтар Ғарышта өмір бар ма? IAGIKI жобасының негізін қалаушы-волонтерлерден білейік

Ғарышта өмір бар ма? IAGIKI жобасының негізін қалаушы-волонтерлерден білейік

10.02.2023 1515 0

Жоба, IAGIKI, бастапқыда ауыр тілде жазылған білім беру материалдарын түсінікті тілде ұсынуға бағытталған. Бұл - бейне ойын, оның сценарийі зерттеу жұмыстарына негізделген. Ойын саңырауқұлақтар немесе жануарлар сияқты әртүрлі организмдердің макро немесе микрогравитация сияқты кейбір қиындықтарға, ғарыштың ерекшеліктеріне төзімді екенін көрсетеді.

Бұл қоғам игілігі үшін құрылған және волонтерлердің білім беру саласында ерекше мысалы болып табылатын коммерциялық емес жоба.


Күрделіні қарапайым тілмен түсіндіру идеясы біріктірген, жобаның негізін қалаушы волонтерлер - мектеп оқушылары болып табылады. Ойынды жасаушылар Тулебаева Айганым, 17 жаста, Алматы РФММ оқушысы, программист-аналитик. Мадибеков Алихан, 17 жаста, Haileybury Almaty оқушысы, Data Researcher, Script Writer. Әбдрәхім Санжар, 16 жаста, Алматы РФММ оқушысы, программист. Елеуова Лина, 17 жаста, Galaxy International School оқушысы, Digital Designer. Аманжолов Әліби, 16 жаста, Алматы РФММ оқушысы, Software Developer. Барлық еріктілер Алматыда оқиды және тұрады. Бүгін олар өз жобалары жайында толығырақ айтып, оны одан әрі дамыту туралы бізбен бөлісті.

Жоба идеясы қалай пайда болды

Бастапқыда біздің міндетіміз менторлық клубтың студенттерінің біріне астробиологиямен байланысты тақырыпты түсіндіру болған. Бірақ содан кейін біз ауыр зерттеу жұмыстарын жеңіл тілмен түсіндіретін әңгіме жазуды шештік. Біраз уақыт біз тіпті видео түсіруді қарастырдық, дегенмен соңында біз видео ойын құруды шештік, бұл оқу процесін жеңіл ғана емес, сонымен қатар қызықты етеді.


Жобаның басында қандай қиындықтар болды

Ойын жасау оңай шаруа емес. Бізге бір команда болу, мақсаттырмызды түсіну, осы жобаға өз уақытымызды, күшімізді волонтерлік негізде жұмсау қиын болды. Біз қиыншылықтырға байланысты жобадан жай ғана бас тартқымыз келген сәттер болды... Бірақ біз жобаның әр мүшесі маңызды екенін түсіндік және кез келген жағдайда бір-бірімізді қолдауға тырыстық. Жұмыс істей бастағаннан кейін, бас тартуға және жобаны тоқтатуға кеш болды.

Топтық жұмыста ең бастысы - өзара түсіністік. Сонымен қатар, біз бәріміз волонтерлік негізде жұмыс істегендіктен, ешкім ешкімге қарыз емес. Әркімнің бір-біріне құрметпен қарауы мен "Неге мен мұны істеуім керек? Болды, мен шаршадым!» деген сәттерге жетпеуі маңызды болды.

Жобаға қатысты ең жылы естелік

Біздің ойынның алғашқы деңгейлері NASA-ның жыл сайынғы байқауы-NASA International Space Apps Hackathon кезінде құрылды. Біз 36 сағатты бірге, бір бөлмеде өткіздік және тоқтаусыз 32 сағат жұмыс істедік. Біреу шаршаған кезде, басқаларға қарап, жұмыс істеу үшін мотивация алу жеткілікті болды. Біраз уақытқа дейін бұл цикл ешқашан аяқталмайтын және бірнеше апта бойы осылай жұмыс істей алатын сияқты көрінді. Біз бірге 4 сағат ұйықтадық, пицца жедік, ойын көрсеттік және нәтижеден ләззат алдық.


Болашақта жобаңызды қалай көресіздер

Қазір біздің жобамызды бірнеше айдан кейін де елестету қиын. Демеушілік болмаса, толығымен қолжетімді болатындай біз өз ойынымызды жариялай алмаймыз. Біз әр түрлі конкурстарға қатысып, демеушілік ұтып алғымыз келеді, осылайша біз өз ойынымызды одан әрі жетілдіре аламыз және ең бастысы, көпшілікке қолжетімді жасай алатын едік! Өйткені, ойынның мақсаты-оны басқа балалар ойнауы.

Өз жобаларын іске асырудың бастапқы қадамдарындағы адамдарға не тілей аласыздар

Өз мақсаттарыңыздан бас тартпаңыз және барлық мәселелер ортақ, оларды жалғыз емес, басқа да бей-жай қарамайтын адамдармен шеше алатыныңызды түсініңіз.

Авторы: Александра Крашинина

@alexandra.krashinina

Соңғы жаңалықтар
21.03.2024 1013 0
Наурыз мерекесі құтты болсын! 🌷
Толығырақ
20.03.2024 1147 0
5 онлайн волонтерлік мүмкіндіктерді іздеуге арналған онлайн ресурстар
Толығырақ
16.03.2024 569 0
Ардагерлері мен тыл еңбеккерлерін қолдауға бағытталған қайырымдылық акциясы басталды!
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена