Birgemiz: áreket ýaqyty
QZ
Волонтер болыңыз
Басты бет Жаңалықтар Жамбыл облысында 2022 жылдың қаңтарынан бастап 12 000-нан астам волонтер волонтерлік қызметке қатысуда

Жамбыл облысында 2022 жылдың қаңтарынан бастап 12 000-нан астам волонтер волонтерлік қызметке қатысуда

25.07.2022 672 0

Бүгін біз сіздерге Жамбыл облысы волонтерлерінің аймақтық фронт-кеңсесінің қандай жұмыс атқаратыны туралы айтып бергіміз келеді. Ол үшін біз Жамбыл облыстық "Жастар ресурстық орталығы" директорының орынбасары, волонтерлердің аймақтық фронт-кеңсесінің жетекшісі Абдуалиева Арайлым Әділбекқызына жүгіндік.

"Біздің фронт-кеңсе еліміздегі басқа да өңірлік фронт-кеңселермен қатар 2022 жылы құрылды. Біз өңірдегі волонтерлік қозғалысқа консультациялық, үйлестірушілік көмек көрсетеміз. Сондай-ақ, біз ЖРО жанында болғандықтан, қажет болған жағдайда волонтерлік бастамашыл топтарға немесе ұйымдарға ұсынатын қосымша ресурстарымыз бар. Мысалы, волонтерлер көлікке мұқтаж болған кезде біз оларға тегін газель береміз. Сондай-ақ, Таза Әлем бағытындағы волонтерлер бізге волонтерлерге арналған киім-кешек: футболкалар, кепкілер және басқаларын қамтамасыз етуде көмек сұрайды".

Өңірдегі фронт-кеңсе волонтерлік саласында ағартушылық жұмыстармен белсенді айналысады және волонтерлік қызмет туралы статистикалық және ақпараттық деректерді жинайды. Фронт-кеңсе өңір волонтерлерімен бірге өзінің ішкі жоспарына сәйкес түрлі волонтерлік іс-шаралар өткізеді.

Өңір жастары волонтерліктің келесі бағыттарын жиі таңдайды, олар-Bilim, Sabaqtastyk, Saulyq, Taza alem, Asyl Mura, Umit. Өңірде басқа да бағыттар бойынша жұмыстар жүргізілуде.

"Біздің жастар өте тату және белсенді. Өңірде осы жылдың өзінде 12 000-нан астам волонтер волонтерлікпен айналысуда. Жақында біз Qogam Saqshysy атты үлкен іс-шара өткіздік. Іс-шара аясында волонтерлер құқық қорғау органдарының өкілдерімен бірге ойын-сауық орындарында, кафелер мен барларда кәмелетке толмағандар арасындағы құқық бұзушылықтар мен қылмыстардың алдын алу мақсатында арнайы топ құрамында бір түнгі рейд өткізді. Акция соңында әкімшілік құқық бұзушылық туралы 16 хаттама толтырылып, түсіндіру жұмыстары жүргізілді. Сондай-ақ, тұрғын үйлердің аулаларында және басқа да қоғамдық орындарда синтетикалық заттарды жарнамалайтын жазулар алынып тасталды. Өткен жылы волонтерлердің өздері үй салып, төрт аз қамтылған отбасына үйдің кілтін сыйға тартты. Бүгінде өңірде мұқтаж адамдарға киім-кешек, азық-түлік беретін Qamqor әлеуметтік дүкені жұмыс істейді".

Фронт-кеңсе волонтерлер туралы да ұмытпайды. Жыл сайын волонтерлерді ынталандыру және қосымша білім беру мақсатында волонтерлерге арналған жазғы лагерь ұйымдастырылады және өткізіледі. Мұндай лагерьлер бұрын Алматы қаласында, Меркі ауданындағы санаторийлерде, ал биыл Түркістан облысында өтті. Волонтерлер еліміздің жаңа және әдемі жерлеріне барады, оқудан өтіп, жаңа бастамаларға шабыт алады.

"Біздің фронт-кеңсе туралы байланыс ақпараты  Qazvolunteer.kz сайтында орналасқан. Бізге волонтерлер осы сайт арқылы жиі хабарласады. Кейде біз өз аймағымызда волонтерлер немесе волонтерлік ұйымдарды іздейміз. Біз үшін волонтерлермен және волонтерлік ұйымдармен байланыс орнату өте маңызды. Біздің барлық жұмысымыз бір нәрсеге бағытталған, бұл –игі істер жасау, мұқтаж адамдарға көмектесу. Бірге жұмыс істеу оңайырақ".

Волонтерлік мүмкіндіктері мәселелері бойынша, волонтерлік бастамашыл топтардың немесе ұйымдардың консультациялары мәселелері бойынша сіз фронт-кеңсемен келесі байланыс нөмірлері бойынша байланыса аласыз:

8 702 252 70 21, obl.jastarortalik@mail.ru

 

Авторы: Александра Крашинина @alexandra.krashinina

Соңғы жаңалықтар
29.09.2022 476 0
Волонтерлік -патриотизмнің жоғары көрінісі
Толығырақ
25.09.2022 653 0
QauipsizInternet волонтерлік жобасына іріктеуден өткен волонтерлер тізімі!
Толығырақ
20.09.2022 571 0
BeSafe Kazakhstan волонтерлік жобасына іріктеуден өткен волонтерлер тізімі!
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена