Birgemiz: áreket ýaqyty
QZ
Волонтер болыңыз
Басты бет Жаңалықтар Семейде қаңғыбас және үй жануарларын жаппай тегін ұрықсыздандыру бойынша бірегей халықаралық акция аяқталды

Семейде қаңғыбас және үй жануарларын жаппай тегін ұрықсыздандыру бойынша бірегей халықаралық акция аяқталды

03.11.2021 412 0

Қазақстанда жыл сайын 350 мыңнан астам панасыз қалған жануарлардың көзі жойылады. Сонымен қатар, мемлекет қаңғыбас мысықтар мен иттердің санын бақылауға тырысатын тәсілдер адамгершіліктен алыс. Олар атылады, көбінесе жаралы жануарлар қиналып өледі, улы капсулалардың көмегімен жойылады, ал кейбір қалаларда жануарларға "өлімге әкелетін" тамақтар беріп уландырады. Қаңғыбас жануарлардың популяциясын бақылаудың тағы бір адамгершілікті әдісі бар - бұл арзан ұрықсыздандыру операциясы.

Жақында Семейде қаңғыбас және үй жануарларын жаппай тегін ұрықсыздандыру бойынша бірегей халықаралық акция аяқталды.

Акцияны үш қоғамдық ұйымның волонтерлері өткізді – "4 лапы+" жануарлар панасы, Tierschutz.Entwiecklungshilfe.de неміс қоры  (Жануарларды қорғау. Дамытуға көмек) және Бриджит Бардо қорының волонтерлері.

Акцияға Испания, Ресей және Қазақстанның түрлі қалаларынан 20 ветеринар дәрігер қатысты. Осы аптада қазақстандық дәрігерлер мен студенттер жануарларды ұрықсыздандыру операцияларының үнемді жаңа заманауи әдістемелері бойынша үлкен практикалық мектептен өтті.

2017 жылы Семейдегі "4 лапы плюс" жануарлар панасы Tierschutz.Entwiecklungshilfe.de неміс қорына хат жазды.  Жануарлар панасы халықаралық қоғамдастықтың қолдауына мұқтаж болды, ал семейліктер оларға Семейде қаңғыбас жануарларды ұрықсыздандыру акциясын ұйымдастыруға көмектесуін сұрады, өйткені олар сол кезде қалалық биліктің жануарлармен жұмыс жасаудың адамгершілік әдістерін пайдалануды қолдауы мен түсіністігін таппады.

Мадина Байғалиева шамамен төрт жыл бұрын "4 лапы+" жануарлар панасынан Альманы асырап алған. Ол қазірдің өзінде жақсы адамдардың қолдарына тапсырылған бірнеше сүйкімді күшіктердің анасы атанды.

– Күшіктерді суға батырып өлтіруге қолымыз бармайды. Бірақ біз Альманың көптеген жылдар бойы күшіктейтін жас ересек ит екенін түсінеміз. Сондықтан, жануарлар панасының әлеуметтік желілердегі парақшасындағы хабарландыруды көріп, біздің үй жануарымызды ұрықсыздандыруға шешім қабылдадық", – дейді Мадина.

Бірнеше минуттан кейін Альма операциялық бөлмеге жіберіледі. Бірақ бұған дейін Семейге Калининградтан келген ветеринардың көмекшісі Юрий Архипов пациентті операцияға дайындайды.

Tierschutz.Entwiecklungshilfe.de қорының волонтері Марина Горлачева жаңадан ота жасалған жануарларға күтім жасайды. Бұл палата отадан шыққан жануарларға арналған реанимация сияқты. Марина жануарларға дәрі тамызғышты шебер қояды, ауырсынуды басатын инъекциялар жасайды. Алайда, жануарларға отадан кейінгі осындай мұқият күтім көрсету ұрықсыздандыру отасынан өткен жануарларды емдеудің қажетті кезеңі емес. Бірақ жануарлардың қаншалықты шаршағанын көріп, волонтерлер мен ветеринарлар олардың әлсіреп қалған денсаулығын сақтау үшін дәрі-дәрмекпен емдеуге шешім қабылдады.

Толығырақ дереккөзде: https://voxpopuli.kz/operacziya-sterilizacziya/  

Соңғы жаңалықтар
17.11.2022 195 0
Қызметтерді сатып алу туралы хабарландыру
Толығырақ
17.11.2022 131 0
Қызметтерді сатып алу туралы хабарландыру
Толығырақ
15.11.2022 914 0
БҰҰ еріктілері деген кімдер және олар немен айналысады?
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена