Birgemiz: áreket ýaqyty
QZ
Волонтер болыңыз
Басты бет Жаңалықтар Негізгі бағыттар бойынша волонтерлерді даярлаудың бірыңғай бағдарламасы нені қамтиды?

Негізгі бағыттар бойынша волонтерлерді даярлаудың бірыңғай бағдарламасы нені қамтиды?

19.10.2021 141 0

"Ұлттық волонтерлік желі" ЗТБ атқарушы директоры, birgemiz волонтерлердің республикалық фронт-офисінің басшысы Татьяна Миронюк Elorda.info журналистіне әзірленіп жатқан бағдарламаға енгізілген негізгі бағыттар туралы айтып берді.

Қазақстан Президентінің бастамасының арқасында волонтерлер қозғалысы бүкілхалықтық қолдауға ие болған үлкен жобаға айналды. Естеріңізге сала кетейік, 2020 жыл Волонтер жылы болып жарияланды, ал коронавирустық пандемияның басталуы қоғамның волонтерлер көмегіне қаншалықты мұқтаж екенін көрсетті.

Қарт адамдарға арналған волонтерлер

Татьяна Миронюктің айтуынша, волонтерлер қарт адамдармен жұмыс істеген кезде олардың қажеттіліктерін, мұқтаждықтарын, биологиялық және әлеуметтік мүмкіндіктерін, көмек көрсетілетін орынды ескеруі қажет: жалғыз тұратын қарттар ма, олардың туыстары бар ма немесе олар әлеуметтік мекемелерде тұрады ма және т.с.с.

"Волонтерлер көбінесе өз пәтерлерінде тұратын қарт адамдарға көмектесе алады. Үй шаруашылығы бойынша: тазалау, жуу, өнімдер мен дәрі-дәрмектерді сатып алу. Көбінесе бұл адамдарға қарапайым қарым-қатынас пен қамқорлық, серуендеу, күтім, құжаттарды рәсімдеу және алу бойынша көмек қажет", - деді ол.

Республикалық волонтерлер фронт-офисінің басшысы осы бағдарлама бойынша оқуды аяқтағаннан кейін волонтерлер егде жастағы адамның ауруларының, физикалық және психикалық жай-күйінің ерекшеліктерін білуі; ұйымда немесе үйде тұратын әртүрлі белсенділік дәрежесі (жас шамасы) бар қарт адамдармен өзара іс-қимыл жасай білуі; жұмыс ерекшеліктерін, жауапкершілік деңгейін түсінуі, қарт адамдармен жұмыс істеудегі өз мүмкіндіктері мен шектеулерін білуі тиіс екенін хабарлады.

Мүгедек адамдарға арналған волонтерлер

Татьяна Миронюк волонтерлердің мүмкіндігі шектеулі адамдармен жұмысының кейбір маңызды ерекшеліктерін атап өтті. Ол осы бағыт бойынша оқу бағдарламасын аяқтаған волонтерлер қандай білім, білік және дағдыларды игеруі керек екенін айтты.

"Мүгедектігі бар адамдармен жұмыс жасайтын волонтерлерді оқыту кезінде мүгедектіктің әртүрлі түрлері бойынша мамандарды да, мүгедектігі бар адамдарды да шақыруға болады. Білім алушылар мүгедек адамның ауруларының, физикалық және психикалық жай-күйінің ерекшеліктерін біледі; ұйымда немесе үйде тұратын әртүрлі мүгедектік түрі/дәрежесі бар адамдармен өзара іс-қимыл жасауды үйренеді; жұмыстың ерекшеліктерін, жауапкершілік деңгейін түсінеді, мүгедек адамдармен жұмыс істеудегі өз мүмкіндіктері мен шектеулерін түсінеді", - деді ол.

Бұл ретте, Татьяна Миронюктің пікірінше, волонтерлерді үйлестірушілерді, әсіресе, танысу, волонтерлерге алдын ала скрининг жүргізу, волонтерлердің жұмысын бағалау және ерекше қажеттіліктері бар адамдармен жұмыс істеу барысында волонтерлерге қолдау көрсету бойынша жеке-жеке оқыту қажет.

"Үйлестірушілер қамқорлыққа алынғандар туралы, яғни, ауруы, өз бетінше қызмет көрсету қабілеті, күн тәртібі, оңалту немесе оқыту кезеңдері, волонтерлердің қызмет ұзақтығы, волонтерлерге рұқсат беру үшін қажетті медициналық-санитариялық талаптар бар-жоғы туралы ақпарат жинауы тиіс. Бұл ақпаратты жинауға алдын-ала сауалнама өткізу арқылы волонтерлерді де тартуға болады. Алынған мәліметтер волонтерлерді іріктеу мен іс-шараларды жоспарлауды айтарлықтай жеңілдететін жалпы базаға енгізілуі керек", - деді ол.

Республикалық волонтерлер фронт-офисінің басшысы тәуекел топтарымен жұмыс істеу кезінде барлық волонтерлерге алғашқы көмек көрсету курсынан өту ұсынылатынын айтты. Оның айтуынша, аталған курсты тек аттестатталған ұйымдар ғана жүргізе алады, оларға міндетті түрде тексеріс емтиханын тапсырғаннан кейін сертификат беріледі. Егер волонтерлік ұйымда әлеуметтік мекемемен келісім болса, сертификатсыз оқытуды мекеменің аттестатталған қызметкерлері жүргізе алады. Бұл ретте жылына бір рет осы курс бойынша білім мен практиканы жаңартып отыру қажет.


Төтенше жағдайлардағы волонтерлер

ТЖ салдарын жою кезінде көп адамдардың күш-жігерін бір уақытта қолдану жиі қажет болады. Волонтерлерді тарту осы мәселені шешуге көмектеседі. Дауыл, су тасқыны, көшкін немесе сел тасқыны, өрт немесе тіпті COVID-19 пандемиясының салдары бүкіл әлемде волонтерлерді тарту қажеттілігін көрсетті. Бірақ төтенше жағдайлардан тыс уақытта да волонтерлер халық арасында түсіндіру және оқыту іс-шараларын жүргізуге, іздестіру жұмыстарын жүргізуге, мұқтаж өңірлерге гуманитарлық көмек жеткізуді жүзеге асыруға көмектеседі.

"Волонтерлер іздестіру қызметіне қатысудың, табиғи және техногендік сипаттағы ТЖ тәуекелдерін азайтудың және салдарын жоюдың негізгі аспектілерін, ТЖ жағдайында өзара іс-қимыл регламенттерін, ТЖМ құрылымын және арнайы қызметтердің қажетті байланыстарын білуі тиіс; ТЖ салдарын жою кезінде жағдайды бағалау, іздестіру қызметінде практикалық дағдыларды қолдану – жергілікті жерде бағдарлану, жабдықты (радиобайланыс, навигация, құтқару жиынтықтарын) пайдалану, зардап шеккен және жұмылдырылған мекемелермен байланыс орнату, алғашқы көмек көрсету, гуманитарлық көмек пункттерін, эвакуациялық лагерьлерді күшейту дағдыларын меңгеру", - деді Татьяна Миронюк.

Ол ТЖ салдарын жою кезіндегі апаттар қаупін төмендету бойынша волонтерлер жауапкершілік деңгейі мен өз мүмкіндіктерін, іздестіру қызметіндегі шектеулерді біліп-сезінуі тиіс екенін атап өтті. Бағдарламаның бұл жобасы іздестіру қызметі, өртке қарсы жұмыстарды, авариялық-құтқару жұмыстарын, судағы құтқару жұмыстарын, сондай-ақ, психологиялық көмек жүргізу құқығына дайындық және аттестаттау сияқты бөлімдерді қамтитын болады.

Жанар Даутова 

Соңғы жаңалықтар
29.11.2021 36 0
КӘСІПТІК БАҒДАРЛАУ - МАМАНДЫҚ ТАҢДАУДЫҢ НЕГІЗІ
Толығырақ
29.11.2021 45 0
2021 жылы волонтёрлерді қолдау мақсатында 24 мың іс-шара өткізілді
Толығырақ
26.11.2021 22 0
«Тарихи-мәдени нысандарды сақтау бойынша жобаларға волонтерлерді тарту бойынша «Birgemiz: Asyl мura» жалпыұлттық жобасын жүзеге асыру» жобасының іске асу барысы туралы баспасөз конференциясы өтті
Толығырақ
Әлеуметтік желілерде оқыңыз
Барлық оқиғалармен жаңартыңыз
Спасибо! ваша заявка отправлена